Utkarsha

ल लित विष्टको कथाकृति 'उत्कर्ष' सामाजिक सौन्दर्यको शिल्पमा बुनिएको सशक्त कथाहरूको सङ्गालो हो । यस कृतिका कथाहरूले यथार्थ र कल्पनाको धमिलो सिमानालाई भत्काएर पाठकलाई नयाँ स्वाद र चेतनाको संसारमा लैजान्छन् । परम्परागत लेखनको शैलीभन्दा पृथक् लाग्ने कथाहरूमा लेखकले मानवीय अवचेतनका गहिराइका साथ जीवनका विसङ्गत पक्षहरूलाई जादुमयी बिम्ब र काव्यात्मक भाषामा उतारेका छन् । यी कथाहरूले पाठकलाई विस्मय र अस्तित्वको निर्मम सत्यसँग आमनेसामने गराउँछन् ।

'उत्कर्ष' नेपाली साहित्यको एक उत्कृष्ट कृति हो । विष्टको पहिलो कथासङ्ग्रह 'मोहपथ' मदन पुरस्कार- २०७६ को श्रेष्ठ सूचीमा पर्नुका साथै 'कर्णाली साहित्य समाज कृति पुरस्कार- २०७६' बाट सम्मानित भएको छ